Një stuhi dëbore po zbret në disa në pjesë të bregdetit lindor të SHBA-së me më shumë se 60 milionë banorë.

Stuhia pritet të shtrihet nga Colorado në Maine dhe paralajmërimet janë në fuqi në 14 shtete. Disa vende parashikohet të shohin deri në dy këmbë dëborë, 60 cm.

Shërbimi Kombëtar i Motit (NWS) ka paralajmëruar për “kushte të rrezikshme, në mos të pamundura të udhëtimit dhe ndërprerje të energjisë” në zonat më të prekura.

Bora më e madhe parashikohet të bjerë në mbrëmje. Shërbimi i Motit tha se disa zona do të kenë më shumë borë “për njëherë të vetme sesa kanë parë gjithë dimrin e kaluar”.

Të paktën dy persona kanë vdekur në Pensilvani pas një përplasje me shumë makina në autostradën 80 në qarkun Clinton. Policia tha se shumë njerëz u plagosën në përplasjen e cila përfshiu midis 30-60 automjete.

Në Nju Jork, Kryetari i Bashkisë Bill de Blasio ka paralajmëruar se stuhia mund të jetë më e madhja që qyteti ka parë në disa vite. Ai paralajmëroi banorët që “ta marrin këtë seriozisht”.

Shkollat në të gjithë qytetin kanë lëvizur për të mësuar në internet, ngrënia në natyrë është pezulluar dhe tragetet në qytet janë ndalur.

Sekretarja amerikane për Transportin Elaine Chao paralajmëroi ata që ishin në këtë vazhdë ku do të kalonte stuhia “të mos udhëtonin në kushte të rrezikshme”.